 |
泰雅族傳說(十) M'yongay na squliq
Raral hiya mga, maki qutux qu squliq ka qqlangan ma. Ini soya mtyaw ana cikuy squ babaw cinbwanan, yaqu mcisal qu si nya lnglungi kryax ma.
Mha ni musa qumyah mga, si nya pshmtan pbuling qu btunux ini nya bleqiy phaga, kruma ga pyangun nya pqhyaw squ gamil na phuniq qu pazih nya. Kryax osa nya qmayah mga, ini yahoq mphuw qu pazih nya ma.
|
Maki qutux ryax musa tmubux trakis, ini lawa bsyaq lga phgun nya qu bazih nya ru msbzinah musa ngasal. Kyalun na yaya nya mha "tala-gay zenga su msbzinah ngasal isu la ? wayal su suqun tmubux qu qmayah Iga ?" Smyuk qu laqiy nya mha " mhnuk qu bbengan na pazih ru wal mphuw, nanu yasa qu msbzinah saku ngasal la " . Tuliq lru skbalay ni yaya nya bbengan na pazih loziy, blaq qu kinnalay nya lga, tun nya qu laqiy nya musa tmasuq tmubux thay nya. Yaya qasa ga, si nya tbcingi qu laqiy ru kmyaya sa syaw na qmayah.
|
|
Tehuk qmayah qu 'laqiy gasa lga, cyux si karuh squ bih na gamil qhunig, ke' kasa lga, cyux nyaspqhyaw squ gamil na qhunig loziy qu pazih, mphuw bay qu bbengan na pazih nya, galun nya qu bbengan qasaru wal nya sqrqul sa bling na qcyan nya nanak, babaw nya lga kmal mha“troq...... troq”ru mkaraw squ qhunig la. Taqu bbengan na pazih lga, tbkilan ru m'ngungu na yungay, hi nya uzi lga, tbkilan kwara lru wal m'yungay balay la.
Maki sa llyuw na qhuniq qu yungay qasa ru tngan nya yaya nya kyalun nya mha " iyat saku pthuyay m'squliq kuzing hiya, swa ga mqilang saku mqyanux babaw rhyal, nu'way saku m'yungay kung hiyaru si saku losay mthzih sa qqhunig hmkangi bway nya, ktan lga, wal balay 'malup sa qhunig qnahi ru wal nya biqan suruw kwara qu gluw nya Tayal lma.
|
|
|
| |
Copyrigh©studwww.nou.edu.tw.All Rights Reserved esigned by Aboriginal
|
